சப்தமின்றி சத்தியம்

சப்தமின்றி சத்தியம் :-

சில செயல்கள்
எதற்காக செய்கிறோம்
என்றே தெரியாமல்
பல தடவை செய்தாச்சு.

அடுத்த முறை இப்படி
செய்யக் கூடாது என
மனது சப்தமின்றி
சத்தியம் செய்தாலும்
ஏதோ செய்துதான்
தொலைக்கிறோம்.

ஒரு உலகம்

எழுத்துகளையும்

தாண்டி எனக்கென்று

ஒரு உலகம் உண்டு...

நான் எழுதுபவற்றை

மட்டுமே வைத்துக் கொண்டு,

என்னை எடை போடுபவர்களை

எப்பொழுதும் என் எண்ணங்கள்

வியப்பில் ஆழ்த்திக் கொண்டே இருக்கும்...

குடும்பம்

எத்தனையோ நாட்கள்
நம் நட்பில் கரைந்து
நன்றாய் வாழ்ந்த்திருந்தாலும்,
இன்று உன் குடும்பம்,
என் குடும்பம் என்று
இருவேறு தீவுகள் ஆகிவிட்டோம்...